«Рухты әндеріміз көп болғай!» Әли Оқапов пен Мәди Рымбаев 12 жыл бұрын жарық көрген Ерболат Құбайбергеннің «Мен қазақпын» атты танымал туындысына жаңа дем беріп, тыңдарманға ұсынды.
Қос музыкант бұл жолы коллаборация жасап, композицияға бірігіп бейнебаян да түсірген. Айта кетсек, трек түпнұсқадан тым қатты өзгеріске ұшырамаған. Музыкалық аранжировка мен негізгі мелодия сақталып, жігіттер тек қазіргі тың стильде орындап шыққан.
Ал клипте Әли мен Мәди әдеттегідей кәсіби биімен ғана емес өздерінің харизмасымен көзге түсті. Релиз жарық көрген сәттен бастап фанаттар тарапынан жоғары бағаланып, әлеуметтік желіде қызу талқылануда.
