Танымал музыкант Akha алғаш рет әке атанды! Музыкант сүйінші жаңалығын Threads әлеуметтік желісінде бөлісіп, қуанышын көпшілікпен бірге атап өтті.
«Бүгін таңертең мен әке атандым, сүйікті әйелім маған әлем сыйлады», – деп жазды Ахмет Өсербек. Бөбек 2023 жылы шаңырақ көтерген Akha мен Aishka-ның тұңғышы. Ерлі-зайыптылардың дүниеге келген сәбиі — ұл. Бұған дейін жұлдыз жұп ерекше форматта gender party ұйымдастырып, көпшіліктің жылы лебізіне бөленген еді.
Айта кетейік, Akha күні кеше су жаңа «Орхидея» атты лирикалық туындысын ұсынған болатын. Ән музыканттың сүйіктісіне арналған, өйткені оның гүлге деген ерекше ықыласын ашқан дәл осы ару.
