Танымал продюсер әрі актриса Баян Алагөзова Республика күні қарсаңында ел мәдениетіне сіңірген еңбегі үшін жоғары мемлекеттік марапатқа ие болды. Медиа тұлға «Қазақстанның еңбек сіңірген қайраткері» атағын алды. Еске салсақ, бұл - Мақсатқызының шығармашылығындағы алғашқы медаль.
Баян Алагөзоваға мұндай мәртебелі марапатты Мәдениет және ақпарат министрі Аида Балаева табыс етті. «Бүгін анамның арманы орындалды, мен Қазақстанның еңбек сіңірген қайраткері атандым. Бұл – үлкен мәртебе әрі зор жауапкершілік. Отаныма қызмет етемін!», – деп жазды продюсер Instagram өзінің парақшасында.
