Қараша айы нағыз қарқынды әрі оқиғаларға толы кезең болмақ. Айдың басында көптеген жандар күш-қуат пен шабыттың артуын сезінеді — бұл жаңа жобаларды бастауға немесе маңызды шешім қабылдауға түрткі болады. Алайда ай ортасынан кейін қоғамда шиеленіс күшеюі мүмкін: түсініспеушіліктер мен келіспеушіліктер аяқ астынан туындауы ғажап емес. Осындай фон аясында ай соңына қарай назар маңызды істерден ұсақ-түйекке ауысуы ықтимал, ал бұл өз кезегінде айлакерлер мен бәсекелестерге қолайлы сәт туғызады. Ең бастысы — зейінді сақтап, кез келген жағдайды өз пайдаңызға бағыттай білу.
Тоқты
Қараша айы тоқтылар үшін қаржылық мүмкіндіктер кезеңі болмақ. Материалдық жағдайды жақсартуға мүмкіндік туады, алайда кенеттен келген табыс басыңызды айналдырмасын. Шығынға асықпаңыз, әр шешімді — мейлі іскерлік, мейлі жеке өмірге қатысты — ойланып қабылдаңыз.
Торпақ
Торпақтар, күніңізді жинап, күздің басынан бері бітпей жүрген істерді тәмамдаңыз. Бұл соңғы серпіліс бар күш пен табандылықты қажет етеді, бірақ нәтижесі соған тұрарлық. Шешілмеген мәселелерден арылған соң, қысты тыныш және сабырлы қарсы аласыз. Уақыт сіздің жағыңызда екенін ұмытпаңыз — бүгін істей алатыныңызды ертеңге қалдырмаңыз.
Егіздер
Егіздер үшін қараша айы романтикалық тосын-сыйларға толы болмақ. Жақын арада өміріңізге ерекше сезім ұялататын адам келуі мүмкін. Дегенмен, шынайылықты ұмытпаңыз: шамадан тыс идеализация көңіл қалдыруы ықтимал. Ал қазірдің өзінде қарым-қатынаста жүргендерге сабыр мен түсіністік қажет — ай ортасында эмоциялық келіспеушіліктер туындауы мүмкін.
Шаян
Қараша айындағы жұлдыз-жорамал Шаяндарға мансаптық серпіліс уәде етеді. Жаңа мүмкіндіктер ашылып, өз қабілетіңізді көрсетуге тамаша сәт туады. Сәттілікке жету үшін жүйелі әрекет етіңіз: нақты жоспар құрып, істерді ерікке жібермеңіз. Әр қадамыңызды анық белгілесеңіз, алғашқы нәтижелер көп күттірмейді.
Арыстан
Арыстандар үшін ай сынақтарға толы болуы мүмкін. Жұмыс немесе тұрмыстық мәселелерде қиындықтар туындауы ықтимал. Бірақ дүрбелеңге салынбаңыз: мінез беріктігі мен абыройды сақтай білу сізді қиындықтан алып шығады. Әрекеттің қосымша жоспарын ойластырыңыз — айдың соңына қарай жағдай оң бағытқа өзгереді.
Бикеш
Бикештер үшін бұл ай белсенді әрі мазмұнды өтеді. Әсіресе жеке өмірде айтарлықтай қозғалыс байқалады. Егер көптен бері кездесуге баруды немесе сезімге жол ашуды кейінге қалдырып жүрген болсаңыз — дәл қазір соған қолайлы сәт. Ашықтық пен шынайылық сізге өзіңізге лайық адамды кездестіруге көмектеседі.
Таразы
Таразыларға қараша айында жұлдыздар сәл өзімшілдікті үйренуге кеңес береді. Жақындарыңызға қамқор болу — сіздің күшті жағыңыз, бірақ дәл қазір өз қажеттіліктеріңіз бен тілектеріңізге көңіл бөлетін уақыт келді. Өзіңізге демалыс, қуаныш және жеке кеңістік сыйлаңыз. Бұл ішкі тепе-теңдікті қалпына келтіріп қана қоймай, айналаңыздағы шынайы қолдаушыларды да анықтайды. Егер біреудің өтініші сіздің мүддеңізге қайшы келсе — батыл түрде «жоқ» деуден қорықпаңыз.
Сарышаян
Сарышаяндар, бұл айда әр дауға араласу қажет емес екенін есте сақтаңыз. Сіз өз ұстанымыңызды дәлелдеп, пікіріңізді қорғауда мықтысыз, бірақ кейде артық күрес тек энергияны ысырап етеді. Шекараңызды қажет кезде ғана қорғаңыз және артық конфронтациядан аулақ болыңыз. Асығыс айтылған сөз немесе ойланбай қабылданған шешім жыл соңына дейін қиындық тудыруы мүмкін. Энергияңызды тиімді бағыттаңыз — өз әлеуетіңізді толық аша алатын істерге жұмсаңыз.
Мерген
Мергендер, сіздер мақсаттарыңызға сенімді қадаммен жылжып келесіздер, алайда жұлдыздар денсаулықтың маңызын еске салады. Егер күшіңіз сарқылса, ең үлкен жоспарлар да баяулайды. Сол себепті қарқыныңызды азайтып, өз жағдайыңызға мән беріңіз. Күн тәртібін қайта қарап, жұмыс пен демалыстың теңдігін сақтаңыз. Өзіңізге уақытылы қамқорлық жасасаңыз, жыл соңын мықты формада әрі күйзеліссіз қарсы аласыз.
Тауешкі
Қанша тырыссаңыз да, бәрін жоспармен ұстау қиын. Сондықтан жұлдыздар оқиғаларға еркіндік беріп, өмірге сенім артуға кеңес береді. Әр нәрсе өз уақытында болады — ал нәтиже сіз күткеннен де жақсы шығуы ықтимал. Ең бастысы — процеске кедергі келтірмей, өзгерістердің өз жолымен жүруіне мүмкіндік беру.
Суқұйғыш
Суқұйғыштар үшін бұл ай қарым-қатынас пен келісімге келу тұрғысынан сынақ кезеңі болады. Әсіресе жұмыста туындайтын күрделі жағдайларда шалт әрекеттен аулақ болыңыз. Сабырлы әңгіме мен ашықтық қажетсіз дауларды болдырмай, сенімді нығайтады. Бұл кеңес жеке өміріңізге де қатысты: өзара құрмет пен икемділік қарым-қатынастағы үйлесімді сақтауға көмектеседі.
Балықтар
Балықтар, қараша айы өзіңізге қамқорлық жасап, ішкі тепе-теңдікті сақтауға шақырады. Ай ортасында көңіл-күйіңіз жақсарып, шабыт пен сенімділік артады. Қаржы саласында оң өзгерістер күтіледі, алайда жетістік сіздің тәртіп пен мұқияттылығыңызға байланысты. Күмәнді ұсыныстар мен тәуекелге толы істерден бойды аулақ ұстаңыз — «жүйені айналып өту» әрекеттері шығын әкелуі мүмкін. Тұрақтылыққа назар аударыңыз, сонда бұл ай сізге нақты пайда береді.
Автор. Жанель Муканова. Аударған. Гүлдана Мұқан.
