Алдағы апта қарама-қайшылықтарға, эмоциялық толқуларға толы болмақ. Кей сәттерде айналадағы атмосфера шиеленісті сездіруі мүмкін, алайда бұл үрейге бой алдыруға немесе өз-өзіңізді оқшаулауға себеп емес. Керісінше, оқиғалардың құбылмалы сипаты маңызды жетістіктерге, қаржылық өсімге, тіпті романтикалық жағымды өзгерістерге жол ашады. Ең бастысы — қай бағытқа бет алғаныңызды түсіну. Жұлдыздар сізге тағы не айтады? Harper’s BAZAAR Kazakhstan ұсынған апталық жұлдыз-жорамалда біле аласыз.
Тоқты
Тоқтыларға апта ішінде жұмыс пен жеке өмірдегі көп процестерді жеке бақылауға алған жөн. Бұл сізді қажетсіз ықпалдан қорғап, ниеті онша жақсы емес адамдарды дер кезінде байқауға көмектеседі. Сақтық — сіздің басты қорғанысыңыз.
Торпақ
Торпақтар эмоцияға беріліп, бірден жаңа бастамаларға ұмтылмағаны дұрыс. Мұндай асығыстық мүмкіндіктерді жоғалтуға немесе маңызды байланыстардан айырылуға әкелуі мүмкін. Ой айқындығын сақтап, салмақты шешім қабылдау стратегиясын ұстаныңыз — бұл қателіктерден қорғайды.
Егіздер
Егіздер үшін апта сезім жетегінде кету немесе кейін өкіндіретін жеңіл қызығушылыққа бой алдыру қаупін туғызады. Сондықтан істерде де, қарым-қатынаста да асықпаңыз. Эмоцияларға басылуға уақыт беріңіз. Бірнеше күннен соң қалауыңыз жоғалса — бұл оқиғаға араласудың қажеті жоқ.
Шаян
Тіпті тұрақты Шаяндардың өзі барын белгісіз мүмкіндіктерге айырбастауды ойлауы мүмкін. Даму — жақсы, бірақ ол сіздің қол жеткізгендеріңізді жоғалту есебінен болмауы тиіс. Ішкі күмән туса, оған мән беріңіз — бұл маңызды белгі.
Арыстан
Арыстандарға эмоциялық қайта жүктеу керек. Соңғы кезде ұсақ тітіркендіргіштер сізді жиі тепе-теңдіктен шығарады, ал шынайы маңызды мәселелер назардан тыс қалып жатыр. Мұндай жағдай жағымсыз салдарға әкелуі мүмкін, сондықтан ішкі үйлесімділікке уақыт бөліңіз.
Бикеш
Бикештерде қайтадан түбегейлі өзгеріс жасауға деген құлшыныс артады: жұмыс, баспана немесе өмір салтын өзгерту секілді. Мұны тікелей әрекетке шақыру деп қабылдамаңыз — бұл тек ниеттеріңізді тексерудің бір түрі. Әр нұсқаны мұқият саралаған дұрыс.
Таразы
Таразылар үшін кейбір байланыстардың әлсіреуі немесе аяқталуы табиғи процесс болады. Бұл алғашында жалғыздық сезімін тудыруы мүмкін, алайда апталық жұлдыз жорамал керісінше айтады: дәл осы кезеңде сізге шынайы жанашырлық танытатын адамдар анық көрінеді. Олардың қолдауы — сіздің жалғыз еместігіңіздің басты дәлелі.
Сарышаян
Сарышаяндар өздерінің сабырлылығымен ерекшеленеді. Басқалар болмашы жағдайға уайымдап, даурығып жатқанда, сіз тыныштық пен жинақылықты сақтайсыз. Бұл ішкі тұрақтылық — өзгермелі кезеңдегі сіздің ең үлкен күшіңіз. Өзіңізбен үйлесімде болу сізге айқын артықшылық береді.
Мерген
Мергендерге ішкі әлеміне назар аудару маңызды. Материалдық сала әзірге қуанта қоймаса да, сізде команда ішінде қарым-қатынасты нығайтуға, басқаларды шабыттандыруға немесе өзіңізді дұрыс бағытқа бейімдеуге мүмкіндік бар. Қазір эмоциялық тұрақтылық қаржылық жарыстан маңыздырақ.
Тауешкі
Тауешкілер үшін қиындықтар кезеңінен біртіндеп қолайлы уақытқа ауысу басталады. Мүмкіндіктер айтарлықтай көбейеді, олардың кейбірі өте перспективалы көрінеді. Міндет — ұзақмерзімді мақсаттарыңызға сай келетін жолды анықтап, дұрыс бағытты таңдау.
Суқұйғыш
Суқұйғыштар келесі апта басында айқын көрінетін өзгерістерге дайындалуы тиіс. Қазір позицияңызды нығайту керек: аяқталмаған істерді бітіру, дауларды реттеу, қарым-қатынаста маңызды жайттарды талқылау және жеке ресурсыңызды қалпына келтіру. Осы аптадағы күйіңіз алдағы өзгерістерді қалай қабылдайтыныңызға әсер етеді.
Балықтар
Балықтар үшін апта қаржылық жағынан жағымды жаңалықтар әкелмек: жағдай тұрақтана түседі. Алайда қарым-қатынаста эмоциялық құбылмалық пен түсініспеушіліктер болуы ықтимал. Асығыс шешім қабылдауға немесе жанжалды ушықтыруға болмайды. Шешімді айналып өтетін жолдарды таба білу — сіздің мықты қырыңыз, дәл осы уақытта ол өте қажет болады.
Автор. Жанель Муканова. Аударған. Гүлдана Мұқан.
