Дәрігерлер әрқашан суық мезгілде аяқ пен тамақты жылы ұстаудың маңыздылығын айтады. Сол себепті шарф пен жылы етік — күз-қыс гардеробымыздың ажырамас бөлігі. Ал пушист аяқ киім де соның қатарына ене алады. Дизайнерлер шарттылықты ұнатпайтын және сән ағымынан қалыс қалғысы келмейтіндер үшін ерекше үлгілер ұсынады. Бірнеше маусым бұрын сәнқойлар қыста да қауырсынмен безендірілген туфли мен босоножкаларды ұната бастаған еді. Бұл идеяны бүгін де мерекелік образдарда қолдануға болады, бірақ күнделікті киім үшін онша қолайлы емес. Сондықтан Harper’s BAZAAR Kazakhstan балама ретінде ерекше декоры бар клогтар, балеткалар, мюли, слиперлер мен кроссовкаларды іріктеді. Мұндай пушист аяқ киім кез келген бейнеге жайлылық пен жылылық сыйлап, суық маусымға мінсіз үйлеседі.