Кез келген демалыс немесе алыс сапар мұқият дайындықты талап етеді: чемодан жинаудан бастап, маршрут құруға дейін. Себебі, жолда болатын қателіктер ыңғайсыздық туғызып, қаражаттың босқа кетуіне әкелуі мүмкін. Мұндай жағдайлардан сақтану үшін төмендегі ерекше әрі пайдалы лайфхактарды есте сақтаңыз.
Кешке дейін ұйықтамаңыз
Уақыт белдеулерінің ауысуы ұйқышылдықты тудырады, әсіресе түнгі рейстерден кейін. Жаңа режимге тез бейімделу үшін кешке дейін ұйықтамауға тырысыңыз - күн батқанда ұйықтап, таңмен бірге ояну жеңіл болады.
Қол жүгін таңдаңыз
Егер мүмкін болса, барынша аз зат алып, тек қол жүгін ғана таңдаңыз. Бұл сізді багажды күту кезегінен және чемодан жоғалту қаупінен құтқарады.
Трекер бақылау құрылғысы
Багажыңыз жоғалып кетсе немесе ұрланса, трекер оның нақты қай жерде екенін көрсетуге көмектеседі.
Сейфке аяқ киім салып қойыңыз
Көптеген туристер қонақ үйдегі сейфтерде құжаттарын немесе құнды заттарын ұмытып кетіп жатады. Мұндай жағдай болмас үшін, үйге қайтарда киетін аяқ киіміңіздің біреуін сейфке салып қойыңыз. Аяқ киімсіз кету мүмкін болмағандықтан, сейфті міндетті түрде ашасыз.
Арзан әуе билеттері
Билетті ұшар алдындағы соңғы сағаттарда сатып алыңыз, үнемдеудің бір тәсілі осы. Себебі, авиакомпаниялар қалып кеткен билеттерді өте төмен бағамен сатады.
Киімді жуынатын бөлмеде үтіктеуге болады
Көптеген қонақ үйлерде үтік болмайды. Бірақ саяхатшылардың лайфхагы: қарапайым фен немесе ыстық судың буы киімдегі қыртыстарды кетіруге көмектеседі.
Пайдалы қосымшалар
Бейтаныс елге бармас бұрын, онлайн аудармашы мен валюта конвертері сияқты пайдалы қосымшаларды жүктеп алыңыз.
Нөмірді тікелей қонақ үйдің сайтынан брондаңыз
Брондау платформалары әрдайым ең төмен бағаларды ұсына бермейді.
Insider ұсынған мақаланың түпнұсқасын мына сілтеме арқылы оқи арқылы оқи аласыз.
Аударған. Қорлан Тұрсынбекова.
