Соңғы кездері «жалаңаш» образдар маңызды шаралардың бір бөлшегіне айналды. Соның бір дәлелі - Met Gala 2025. Тіпті кей жұлдыздар жанкүйерлерінің қиялдауына мүмкіндік бермей, ашық-шашық болып киініп келген. Кейбірі мүсінін айшықтайтын белдемшемен жарқыраса, әнші Lorde сексуалды топпен көзге түсті.
Chanel амбассадоры Дуа Липа - Met Gala 2025 шарасына 1920 жылдар стиліндегі қара түсті батыл көйлекпен қызыл кілемде бой көрсетті. Мега жұлдыз шараға жалғыз емес, жанына сүйіктісі Каллум Тернерді де ертіп келген.
Холли Берри LaQuan Smith бренді ұсынған батыл образбен көпшілікті таңғалдырды.
Керри Вашингтон — Jonathan Simkhai брендінің образында.
Lorde жуырда жарық көретін «Фантастикалық төрттік» фильміндегі Күміс Серфер кейіпкерін елестетіп арнайы дайындалып келген. Жұлдыздың таңдауы - Thom Browne сән үйі.
Автор. Мария Бурлака. Аударған. Гүлдана Мұқан.
