8-наурыз Халықаралық әйелдер күні шоу-бизнестегі сылқымдар алған сыйлықтарын инстаграм парақшаларында жарыса салды. Танымал медиа арулардың жақындары қандай сыйлық тарту етті? Төменде таныс болыңыздар....
Желі жұлдызы Разиюша мерекеде жаңа аяқ киімге ие болды. Блогердің күйеуі Есентай сыйлық ретінде «Dior» брендіне таңдау түсірген. Жарты миллионға бағаланатын present Разияның гардеробындағы алғашқы lux образ. Тек бұл ғана емес, Есентай сүйіктісіне бірнеше сыйлық әзірлеген. Оны блогерлер инстаграм парақшасында әлі құпия ұстап отыр.
Aeka Posh та, оқырмандарына бренд сыйлығын көрсетіп сүйінші сұрады. Топ визажист мейрамда сүйіктісінен «Cartier» мен «Van Cleef»-тен білезік алды. Бұл тартулардың бағасы кем дегенде 4 миллион теңге. Мұндай бағалы тартуды берген ғашығын Айым жария еткен жоқ. Тек арнайы пост қалдырып, «Мен қалаған білезіктер, сүйіктіме рақмет!», - деген жазба қалдырған.
Қыздар ғана емес, жігіттерде бұл күнде бағалы сыйлықтарын көрсетті. Мәселен Zhekla Fatbelly анасына ерекше сыйлық жасап фолловерлерін таңқалдырды. Жеңіс алғашында анасын біраз қинап, 10 сағаттан кейін ұшатын Дубайға жолдама, оның артынан соң автокөлік тарту етті. Анасының қуаныштан жас алғаны әр оқырманға эмоция бергені сөзсіз.
Ерке Есмахан да бұл күні басты назарда. Әнші инстаграм stories-ында гүл шоқтарын салып қыздар қауымын мерекемен құттықтады. Сылқым, мейрамда RaiM-нан ғана емес, күйеуінің достарынан да сыйлық алған.
Көтерікі көңіл-күй мен шынайы эмоция! Сая Оразғалиева, Дана Есеева және Луина бірігіп 8-наурыз күнін атап өтті. Танымал арулар мерекеде күйеулерін тастап, тек қыздар болып кешкі асқа аттанды. Бағалы сыйлық алмаса да, шоу-бизнестің нәзік жандылары көңілдерін көтеріп уақытты қызықты өткізген.
Жәния Джуринскаяның өнердегі және өмірдегі құрбылары қыдырып жүргенде, актриса күйеуімен Мальдив аралдарына дем алуға аттанған. Сылқым, шетелдегі сапарынан инстаграмда романтикалық кадрларымен бөлісіп, фанаттарын қызықтырып жүр.
Автор. Harper’s BAZAAR Kazakhstan. Фото. Instagram.
