Сыбайлас жемқорлыққа қарсы іс-қимыл агенттігі Қазақстанда 33 жер телімінің мемлекет меншігіне қайтарылғанын хабарлады.
Сыбайлас жемқорлыққа қарсы қызмет әлеуметтік-кәсіпкерлік корпорациялардың (ӘКК) қызметкерлеріне жер телімдерін беру кезінде өкілеттіктерін асыра пайдалану фактілері бойынша 10 сотқа дейінгі тергеп-тексеруді бастады. Тергеу шаралары Агенттіктің сотқа жолдаған материалдары бойынша жүргізілуде.
Астана, Жамбыл, Қарағанды және Солтүстік Қазақстан облыстарында сотқа дейінгі тергеп-тексерулер барысында жергілікті атқарушы органдармен Астана, Тараз, Сарыарқа және Солтүстік ӘКК инвестициялық жобаларға берілген 65 жер учаскесі белгіленді.
Антикордың айтуынша, Жер және Кәсіпкерлік кодекстерінің талаптарын бұза отырып, қызметтің басым түрлерінің тізіміне енбеген жобаларды жүзеге асырған заңды тұлғаларға жер телімдері берілген.
«Мәселен, Қарағанды облысында 2019-2021 жылдар аралығында Қарағанды, Балқаш, Жезқазған және Сәтбаев қалаларының әкімдіктері «Сарыарқа» ӘКК-не 36 жер телімін берген, оның 14-і Кәсіпкерлік кодексі мен қалалардың бас жоспарларын бұза отырып берілген.
Солтүстік Қазақстан облысында Петропавл қаласы әкімдігінің қаулылары негізінде «Солтүстік» ӘКК-ге алты жер телімі берілді. Содан кейін олар тендерсіз құрылыс салушыларға берілді», - деді министрліктегілер.