Соңғы бес жылда республикалық бюджеттің кірісі 66 пайызға, шығысы 120 пайызға өсті, деді Сенат төрағасы.
Мәжіліске жаңадан сайланатын депутаттар қаржылық тәртіпті сақтауға міндетті, деді палата отырысында Сенат төрағасы Мәулен Әшімбаев.
Ол соңғы сегіз жылда Ұлттық қордың активтері 73 миллиард доллардан 57 миллиард долларға дейін азайғанын атап өтті. Алдағы бірнеше жылда жағдай тұрақталуы мүмкін, бұл ретте президент Ұлттық қордағы қаражатты 100 миллиард долларға дейін ұлғайту міндетін қойды.
"Бұл жерде біздің міндетіміз - Ұлттық қорды барынша көбейту және сол арқылы балаларға бөлінетін қаржыны ұлғайту. Алдағы кезеңде қаржылық тәртіп барлығына қажет болып тұр. Мәжіліс депутаттарының өз міндеттері бар екені анық, олар сайлаушыларға жұмысын көрсетуі керек. Бірақ бүгінгі күні бізде қаражатты пайдалану жағынан біршама қиындық бар. Ұлттық қордың қаражаты жалпы экономиканы дамытатындықтан, барлығы қаржылық тәртіпке келуі керек», - деді Сенат спикері.
Ол соңғы бес жылда республикалық бюджеттің кірісі мен мұнайдан түсетін түсімдер 66 пайызға өссе, осы кезеңдегі шығыстар 120 пайызға артқанын айтты.
"Үкімет бұл ақшаны не Ұлттық қордан, не бюджет тапшылығын ұлғайту арқылы алатыны түсінікті және қисынды. Біз бюджет тапшылығының бұрынғы деңгейде қалғанын көріп отырмыз. Бұл дегеніміз – Ұлттық қордан кетіп жатқан қаржы. Басқа ешқандай қаржы көзі жоқ. Немесе салық базасын ұлғайту керек. Ең бастысы, бәріміз қаржылық тәртіпке келуіміз керек. Тұтастай алғанда Ұлттық қордың активтерін ұлғайту бойынша нақты стратегияға болу керек», - деді Мәулен Әшімбаев.