Отандастарымыздың өзге елде көз жұмуы көбейді.
"Құтқарушылар оны судан алып шығып, алғашқы көмек көрсетіп, артынша дәрігерлерге тапсырғаны туралы ақпарат бар. Науқасты Тайланд дәрігерлері бастапқыда Қазақстанға тасымалдауға қарсы болған. Еске салайық, 3 маусымда тағы бір азаматымыз қайтыс болды», - деді Сыртқы істер министрлігінің ресми өкілі Айбек Смадияров.
Оның айтуынша, бұл соңғы аптадағы екінші жағдай. 3 маусымда сол жағалауда тағы бір қазақстандық барлық тыйымдарға қарамастан суға түскен. Смадияров жақын арада олардың денесі туыстарының есебінен Қазақстанға жеткізілетінін атап өтті.
"Таиланд полициясының мәліметінше, ТМД елдерінен келген туристер осындай істермен айналысады. Статистика жыл сайын өсіп келеді. Біз өз азаматтарымызға өтініш білдіреміз: сіз өзіңіз тұратын елдің барлық талаптарын, заңдары мен ережелерін қатаң сақтауыңыз керек. Егер суға түсуге тыйым салынса, онда ол тыйым салынады. Осы маусымда толқындар өте қауіпті», - деді Айбек Смадияров.
Бұған дейін 24 жастағы қазақстандық Артур Ысқақовтың Тайландта демалыста қайтыс болғаны белгілі болған еді.
Марқұмның әпкесінің айтуынша, Артур қалыңдығымен Тайландқа демалуға кеткен. Олар теңізде жүзіп жүргенде, қатты толқын көтеріліп, қалыңдығы суға бата бастаған. Марқұм жігіт көмекке асығып, қызды құтқарып қалған, бірақ оның өзін толқын тартып кеткен. Кейін есінен танған ол ауруханаға жеткізіліп көз жұмды.