Дүйсенбі күні Пәкістанның солтүстік-батысындағы Пешавар қаласындағы мешітте жарылыс болып, 25 адам қаза тауып, 80-нен астамы жараланған.
Пәкістанның солтүстік-батысындағы Пешавар қаласындағы мешітте жарылыс болды.
Жергілікті билік мұны жанкешті терористік шабуыл деп мәлімдеді. Жарылғыш зат мешітте 150-ге жуық адам, оның ішінде жақын маңдағы полиция бөлімшелерінен намаз оқуға келген көптеген полиция қызметкерлері болған кезде іске қосылған.
25 адам қаза тауып, 80-нен астамы жараланғаны хабарланды. Төтенше жағдайлар қызметі үйінділерді тазалап, ауруханаға жеткізілгендердің көпшілігі ауыр халде жатқандықтан, қаза тапқандар саны арта береді деген қауіп бар.
Пәкістан премьер-министрі Шахбаз Шариф жарылысты айыптап, кінәлілерге «қатаң шаралар қолданылатынын» уәде етті. Шабуыл үшін жауапкершілікті әзірге ешкім алған жоқ.