Өртке қарсы қызмет ұйымының қызметкерлері Қазақстанның оқу орындарын тексеріп, оның бес мыңында заң бұзушылықты анықтады.
Мектептер, балабақшалар мен колледждер балалар үшін қауіпті деп танылды. Оқу орындарындағы тексеру көрсеткендей, оларда өрт сөндіргіштер мен дүрбелең түймелері жоқ. Өрт сөндіру қызметінің қызметкерлері рейдтер барысында 50 мыңға жуық өрт қауіпсіздігі ережелерін бұзу фактілерін анықтады.
Білім министрлігі заң бұзушылықтарды жою жұмыстары жүріп жатыр деп сендіреді. Бұл үшін облыс әкімдіктері тарапынан қаржы бөлініп қойған. Жалпы сома 13 млрд теңгені құрады. Бұл ақшаға олар қажетті құрал-жабдықтарды сатып алмақ.
"Бүгінгі күні білім беру ұйымдарының 75 пайызы лицензиялық күзетпен келісім жасасқан. Дүрбелең түймелері мектептер мен білім беру ұйымдарының 92 пайызын қамтиды. Турникет мектептердің, колледждердің, балабақшалардың 61 пайызында орнатылған", - деді Білім вице-министрі Еділ Оспан.
Жыл басынан бері қазақстандық білім беру ұйымдарында 9 өрт оқиғасы орын алды. Мұның барлығы қауіпсіздік ережелерін бұзу салдарынан болып отыр, деп атап өтті Төтенше жағдайлар министрлігі. Көптеген мектеп директорларына тапсырмалар беріліп, кемшіліктерді жою жөнінде мерзімдер берілді.
Наурыз айының басында Білім министрлігі мектептердің үлгілік ережелеріне өзгерістер дайындады. Ережеде баланың қауіпсіздігіне, сондай-ақ оның мінез-құлқы мен теріс қылықтарына мектеп пен ата-ананың жауапкершілігі қарастырылған.