Гарри Поттер фильмдеріндегі Драко Малфой рөлімен танымал британдық актер Том Фелтон өзінің естеліктерінде маскүнемдікпен күрескенін айтты.
13 қазанда Том Фелтон «Beyond The Wand» мемуарын басып шығарды, онда ол жанкүйерлерге өзінің өмір жолы туралы айтып берді. Белгілі болғандай, жиырма жылдан кейін актер маскүнемдікпен бетпе-бет келген. Том Фелтон күніне бірнеше литр сыра, сонымен қатар виски ішетін. Актердің айтуынша, ол психотроптық заттарды теріс пайдалану салдарынан үш рет емделуден өткен.
Алайда ол екі рет курсты аяқтай алмаған. Бірінші рет ол емдеу орталығынан бір күнде шығып кеткен, ал екінші рет орталық басшылығы Фельтонды ережені бұзғаны үшін қуып жіберген. Үшінші реттен ғана емнен сәтті өткен екен.
"Мен енді жағдайым жақсы емес деп айтуға ұялмаймын. Біздің бәріміз де физикалық, психикалық тұрғыдан сау болмауымыз мүмкін. Бұнда ұялатын ештеңе жоқ. Бұл әлсіздіктің белгісі емес", - деп жазды ол.
35 жастағы актер оңалту және маскүнемдік фактісін мойындау ол үшін қабылдауға мәжбүр болған ең қиын шешімдердің бірі екенін мойындайды. Алайда Том Фелтон өзіне көмек қажет екенін дер кезінде түсінгені үшін өзін мақтан тұтатынын жазды.