Оппозициялық Түркия Республикалық халық партиясының басшысы Кемал Кылычдароғлуға 18 қылмыстық іс бойынша айып тағылды.
Джумхуриет газетінің хабарлауынша, сайлауда жеңіліске ұшырап, депутаттық мандатынан айырылған Кылычдароғлу алдағы күндері қылмыстық жауапкершілікке тартылып, тұтқындалуы мүмкін. Журналист Барыш Теркоғлу саясаткердің барлығы 100 жылдан астам уақытқа бас бостандығынан айырылуы мүмкін екенін айтты.
Бұған дейін Түркияның Anadolu ақпарат агенттігі Кылычдароглу депутаттық мандатынан айырылған соң оған қатысты бұрын қозғалған істердің барлығы қайта жанданып, Анкара прокуратурасына берілгенін хабарлаған.
Cumhuriyet газеті түрік оппозициясының жетекшісіне қарсы қозғалған сот істерінің басым бөлігі түрік президентін қорлады деген айыппен байланысты екенін атап көрсетеді. Оларды ұсынуға Ердоғанның өзі немесе ол басқаратын билік партиясының өкілдері бастамашы болды. Атап айтқанда, Қылычдароглу қоқан-лоққы, жала, өшпенділік пен ұлтаралық араздықты қоздырғаны үшін, сондай-ақ Түркияда террористік ұйым деп танылған және тыйым салынған Күрдістан жұмысшы партиясының (PKK) қызметін насихаттағаны үшін жауапқа тартылуы мүмкін.
14 мамырда Түркияда президенттік және парламенттік сайлауда дауыс беру өтті. Сайлау елдің 81 провинциясында өтті. Сайлау алдында Түркияның қазіргі президентінің денсаулығында ақау болған, сондықтан ол сайлауалды шараларын тоқтатқан.
15 мамырда дауыс беру жәшіктерінің 9 пайыздан астамын санағаннан кейін Ердоғанның 54 пайыз дауыс жинағаны белгілі болды. Сол күні Кылычдароғлұның дауыс саны бойынша Ердоғанды қуып жеткені хабарланды. Бұл ретте Қазақстан Республикасының Президенті Қасым-Жомарт Тоқаев Ердоғанды сайлаудың бірінші турындағы жеңісімен құттықтады.
28 мамырда Түркияда президент сайлауының екінші кезеңі басталды.
29 мамырда Ердоған өзін жеңімпаз деп жариялады.
Одан кейін оппозициялық Түркия Республикалық халық партиясының басшысы Кемал Кылычдароғлу күресті саяси аренада жалғастыруға ниетті екенін айтты.