Күні кеше ғана «Дос-Мұқасан» 56 жылдық мерейтойын атап өткен еді. Ал бүгін топтың негізін қалаушылардың бірі Александр Михайлович Литвиновтың 75 жасында өмірден озғаны белгілі болды.
1967 жылдың 1 тамызы «Дос-Мұқасан» ансамблінің туған күні болып саналады, ол кезде жауынгерлер жөндеп, қалпына келтірген Мәдениет сарайының сахнасында Дос, Мұрат, Қамит және Сәниден құралған «пулеметшілер» квартеті өнер көрсетті. Павлодар облысындағы «Баянауыл» кеңшарындағы құрылыс бригадасының мүшесі еді. Содан бері әлі күнге дейін қазақстандықтардың жүрегінде әуен болып жаңғырған хит әндерімен есте қалды.
Қайғылы оқиғаны топтың құрылтайшылары хабарлады.
"Бүгін түнде 75 жасқа қараған шағында Литвинов Александр Михайлович дүниеден өтті. Ол біздің ансамбльдің негізін салушылардың бірі, барабаншы болды. "Дос-Мұқасан" ансамблі балаларына, туған-туыстарына, жақындарына қайғыларына ортақтасып көңіл айтады. Ол біздің жүрегімізде ең ақкөңіл, мейірімді, адал, жанашыр және жарқын адам ретінде сақталады! Жатқан жері жайлы болсын!" – делінген хабарламада.
«Дос-Мұқасан» - Қазақстандағы алғашқы кәсіби ВИА. Ансамбльді Қазақ политехникалық институтының студенттері құрады. Ансамбль атын венгриялық студенттер отряды берді: шетелдіктер ансамбль атын оның негізін қалаушылардың есімдерінің бірінші буындарынан құрастырған: «Дос» - топ жетекшісі Досым Сүлеев, «Му» - Мұрат Құсайынов, «Қа» - Қамит Санбаев, «Сан» - Санья (Александр) Литвинов.