Оңтүстік америкалық әнші Эмми Лобос ChileVision телеарнасындағы Yo Soy вокал байқауының сахнасында Димаш Құдайбергеновтың Ave Maria әнімен өнер көрсетті. Димаш Құдайбергеннің жанкүйерлері америкалық әншінің өнерін жылы қабылдады.
Димаш Құдайберген Эммидің байқаудағы видеосымен бөлісіп, еңбегі үшін алғыс білдірді.
Бейнежазбаға жазылған пікірлерде қазақ орындаушысының атына түрлі елдердің, әсіресе Оңтүстік Американың тұрғындары тарапынан көптеген жылы лебіздер жиналған. Желі қолданушылары да бойжеткеннің талпынысы үшін жоғары баға беріп, Димаш Құдайбергеновтың жұмысын Латын Америкасында жарнамалағаны үшін алғыстарын білдірді.
Орыс тілді жанкүйерлер де шетте қалмай, сүйікті әртісіне деген сүйіспеншілігі мен қолдауын білдірді.
YouTube-тегі Star Secrets арнасы қыздың өнерін егжей-тегжейлі сараптап, әр уақытта Димашты бейнелеуге тырысқан орындаушыны таңдап алды. Сонымен, арна авторы қазылар алқасының чилидің музыкалық нөмірін қалай қабылдағаны туралы да айтып берді.
Қазылар алқасының бірі Антонио Воданович:
«Менің ойымша, сіз өзіңізге өте қиын міндет қойдыңыз. Сіз әлемдегі ең күшті дауыстардың бірін көрсетуге тәуекел еттіңіз және ол сіздің диапазоныңызға сәйкес келді. Сізде жақсы вокалдық қабілеттер бар, сіз жоғары ноталарды айта аласыз, сонымен қатар терең тенорды көрсете аласыз. Бірақ нотадан нотаға ауысулар монотонды, анық емес. Димаштың өнерін көрсету – көп жылдық еңбекті қажет етеді, бұл азиялық жақұт небәрі 28 жаста болса да, өнері өте керемет», - деп бөлісті видео авторы. Қазақ әншісінің шығармашылығына жоғары баға берді.