Сыртқы істер министрінің орынбасары Роман Василенко Қазақстанның Ресейдің Украинаға қарсы соғысына қатысты бейтараптығын қалай сақтап отырғаны туралы сұрақтарға жауап берді.
Василенко DW басылымына берген сұхбатында Қазақстанның ұстанымын айтты. Әңгімелесу барысында Қазақстанның халықаралық саясаты көп векторлы деп аталатыны айтылды.
«Біз көпвекторлы, теңгерімді, прагматикалық сыртқы саясатты ұстанамыз. Тәуелсiздiгiмiздiң таңы атқанда оның сәулетшiлерiнiң бiрi Сыртқы iстер министрi, қазiргi Қазақстан Президентi Қасым-Жомарт Тоқаев болды. Тәуелсіздік жылдарында көпвекторлы сыртқы саясат Қазақстан үшін баламалардың жоқтығын дәлелдеді. Өткен жылдың ішінде біз бұл саясаттың қаншалықты дұрыс және жан-жақты ойластырылғанын ерекше өткір сезіндік. Біз барлық серіктестермен, ең жақын көршілеріміз Ресей мен Қытаймен де, Батыспен де ашық, сенімді, тең, өзара тиімді қарым-қатынас орнату туралы айтып отырмыз», - деді Василенко.
Қазақстан Ресейден қорқа ма деген сұраққа жауап берген Василенко еліміздің тыныш екенін еске салды.
«Қазақстан бір кездері өзінің ядролық арсеналынан бас тартты, ол кезде әлемдегі төртінші үлкен арсенал болатын. Біз қақтығыстарды әскери жолмен шешудің тұрақты шешім емес екенін айтудан тартынбаймыз. Біз БҰҰ Жарғысында қандай да бір түрде қарастырылғандай, қақтығыстарды бейбіт жолмен реттеуге қайта оралудың маңыздылығы туралы айтуды тоқтатпаймыз. Қазақстан Украинадағы «жанжалға» қатысты өз ұстанымын нақты белгіледі», - деді Василенко.
Ол БҰҰ Жарғысы негізінде барлық мемлекеттердің, соның ішінде Украинаның аумақтық тұтастығын құрметтеу қажеттігінде жатыр деп қосты.
«20 миллион халқы бар, оның ішінде 3,5 миллион орыстар, 250 мың этникалық украиндар бар Қазақстан үшін бұл өте жақын «жанжал», қайғылы соғыс. Сондықтан да Қазақстан қантөгісті тоқтатуға және «жанжалды» реттеуге үлес қосуға бар күшін салуда. Біздің президент мұндай рөл Ресей мен Украина тарапынан сұранысқа ие болса, Қазақстан делдал рөлін ойнауға дайын екенін бірнеше рет айтты», - деді Василенко.