Робототехникадан халықаралық олимпиаданың финалына 73 елден 365 команда қатысты.
Қазақстандық оқушылар Бүкіләлемдік роботтар олимпиадасында (WRO) ересектер арасындағы негізгі категорияда (Senior) екінші орын алды. Күміс жүлдені Жамбыл Жабаев атындағы мемлекеттік №29 IT лицейі оқушылары Иманғали Мыңжасар мен Бибарыс Михаш жеңіп алды. Команданы Шымкенттегі Robopark жеке робототехника мектебі дайындады.
Бүкіләлемдік роботтар олимпиадасы (WRO) 2004 жылдан бері өткізіліп келе жатқан 10 мен 21 жас аралығындағы оқушылар мен студенттерге арналған ең ірі халықаралық жарыс. Бүкіләлемдік роботтар олимпиадасының финалы 2022 жылдың 18-19 қарашасында Дортмунд қаласында (Германия) өтті. Биылғы жылы 73 елден 365 команда ең үздік атақ үшін финалда күресіп, іріктеу кезеңіне әлемнің түкпір-түкпірінен 15 000 команда қатысты.
Қазақстан бұл олимпиадаға 2014 жылдан бері қатысып келеді. Биыл Қазақстаннан 10 команда әлемдік аренаға қатысып, ұлттық құрама барлық төрт номинация бойынша өнер көрсетті - Future Engineers, Robomission, Future Innovators, Robosports.
Ұлттық құраманың құрамында Назарбаев Зияткерлік мектептерінде, сондай-ақ Республикалық физика-математика мектебінде, Robotek және Robopark жекеменшік мектептерінде білім алған командалар болды.
«WRO жалпы алғанда Азия құрамаларынан қалыспайтынымызды көрсетті: бірінші күні бүкіл Қазақстан құрамасы жақсы бастады, біз болашақ инженерлері, жасөспірімдер, роботопорттар және роботомиссия санаттарында үздік болдық. Биылғы жылдың ерекшелігі – екінші күні жігіттерге мүлде жаңа тапсырмалар берілді. Бағдарламаны нөлден жазу керек болды және нәтиже біз күткендей болмады. Менің ойымша, бізде мұндай халықаралық турнирлерге қатысу тәжірибесі жеткіліксіз болды және біз жақсырақ өнер көрсету мүмкіндігін жіберіп алдық», - дейді Robotek командасының жаттықтырушысы Владимир Усольцев.
Жүлде саны бойынша турнирдің көшбасшылары болып Малайзия, Тайвань, Филиппин, Мексика, Грекия, Германия, Пуэрто-Рико және Жапония тұрды.