Қазақстандық McDonald's өз өнімдерінде жергілікті отандық өнімді пайдалану жөнінде келіссөздер жүргізіп жатыр.
Жұма, 9 желтоқсанда Қазақстан Республикасы Технология министрлігі Техникалық реттеу және метрология комитетінің төрағасы Қуаныш Елікбаев Қазақстандағы McDonald's мейрамханаларының жұмысын қалпына келтіру мәселелері бойынша кеңес өткізді. Кездесуге Қазақстандағы McDonald's басшылығы, мемлекеттік органдар, сондай-ақ Қазақстан ет одағының, Қазақстан құс өсірушілер одағының және т.б. өкілдері қатысты, деп хабарлайды ведомствоның баспасөз қызметі.
«Food Solutions KZ» ЖШС (Қазақстандағы McDonald's операторы) бас директоры Әсет Машанов компанияның мейрамханалар жұмысын тоқтатқаннан кейін қайта ашумен айналысып жатқанын атап өтті. Сондай-ақ ол мемлекеттік органдардан фаст-фуд желісінің қызметін қалпына келтіру мәселелерін жедел шешуге көмектесуді сұрады. Мысалы, барлық тауарларды, әсіресе ветеринариялық тауарларды кедендік ресімдеуді жеделдету, сертификаттау органдарынан құжаттарды қабылдауды жеделдету және т.б.
Мемлекеттік кірістер комитетінің өкілдері фитосанитарлық сертификаттар мен сәйкестік сертификаттары сияқты уәкілетті органдардың рұқсаттары болса, көмек көрсетуге дайын екенін атап өтті.
Кездесу барысында импортты алмастыру мәселесі де көтерілді. Қазақстандағы McDonald's-қа Қазақстан ет одағының, Қазақстан құс өсірушілер одағының, Қазақстанның сүт одағының және т.б. өкілдері өз өнімдерін ұсынды.
«Неге қазақ етін пайдаланбасқа?! Қауіпсіздік тұрғысында, әрине, өз өнімдеріміздің бағытына қарай таңдау жасаған дұрыс», - деп ұсыныс жасады Қазақстан құс өсірушілер одағының президенті Руслан Шәріпов.
Әсет Машанов компанияның қазақстандық өнімді пайдалануға дайын екенін және қазірдің өзінде қазақстандық өндірушілермен келіссөздерді бастағанын айтты. Ол McDonald's өнімдерінің барлығы франшизаның жоғары сапа талаптарына сай болуы керек деп қосты.
«Қазіргі уақытта біз бірнеше жергілікті өндірушілермен ынтымақтасатынымызды және олардан McDonald's стандарттарына сәйкес келетін шикізатты алып жатқанымызды еске сала кетейін. Сондай-ақ қазір қазақстандық құс және сиыр етін өндірушілермен келіссөздер жүргізілуде», - деп қорытындылады Food Solutions KZ бас директоры.
Еске салайық, 17 қарашада Қазақстандағы McDonald's желісінің жұмысын тоқтатқаны белгілі болды. Компанияның Қазақстанның Алматы, Астана, Атырау, Ақтөбе, Қостанай, Қарағанды қалаларында 24 McDonald's мейрамханасы бар және екі мыңға жуық адамды жұмыспен қамтамасыз ететін.