Кәсіпорын қызметкерлердің өлімі санының артуына байланысты шұғыл комиссиялық тексеру жүргізу туралы шешім қабылдады.
Дүйсенбі, 27 қарашада Жамбыл облысындағы «Қазақмыс» тобына жататын Жайсаң кенішінде 21 және 42 жастағы екі жұмысшы қаза тапты.
Осыған байланысты топ басшылығы корпорацияның барлық жерасты кеніштеріндегі тау-кен және күрделі жұмыстарды тоқтату туралы шешім қабылдады.
«Шахталарда ішкі төтенше жағдайлар комиссиясының инспекциялары құрылды. Комиссияларды кәсіпорындардың бас инженерлері басқарады. Басталған тексерулер өндірістік бұзушылықтарды, сондай-ақ, еңбекті қорғау және қауіпсіздік саласындағы бұзушылықтарды егжей-тегжейлі анықтауға бағытталған. Кәсіпорындардың жабылуы барлық анықталған бұзушылықтар жойылмайынша жалғасады», - делінген компанияның баспасөз қызметі таратқан хабарламада.
Тоқтатылған шахталар қызметкерлерінің жалақысы тексерудің барлық кезеңіне толық төленетіні атап өтілді.
«Комиссиялардың жұмысы аяқталып, барлық мән-жайлар анықталғаннан кейін тексеру нәтижелері жұмысшыларға жеткізіледі, сонымен қатар еңбек қауіпсіздігін одан әрі күшейту шаралары қабылданады», - деп сендірді топ.
Еске салайық, 2023 жылдың 5 қарашасында Шығыс Жезқазған кенішіндегі «Қазақмыс» компаниясына қарасты No57 шахтада 1984 жылы туған тау-кен шебері қайтыс болды.
2023 жылдың 22 қарашасында Жезқазғандағы No2 өңдеу зауытында 1980 жылы туған конвейерші қайтыс болды.