Ғаламтордағы жаңа танысы Астаналық бойжеткеннің кофесіне есірткі араластырған. Полиция қызметкерлері қазақстандықтарға бейтаныс адамдармен кездескенде өте сақ болу керек екенін ескертті.
Ішкі істер министрлігі полицияға арызбен жас қыздың жүгінгенін хабарлады. Ол белгісіз ер адам оның кофесіне есірткі араластырғанын хабарлаған.
"Тергеу барысында қыздың жігітпен әлеуметтік желі арқылы танысқаны анықталды. Жастар қарым-қатынасты кездесу арқылы жалғастыруды ұйғарған. Бір шыны кофе ішкеннен кейін бойжеткен одан әрі әрекетін есіне түсірген жоқ", - деп хабарлады полицейлер.
Полицейлер 33 жастағы қала тұрғынын ұстағаны атап өтілді. Қазір тергеу амалдары жүргізілуде.
"Бейтаныс адамдармен кездескен кезде достарыңыз бен туыстарыңыз сіздің кіммен бірге екеніңізді, қайда және қанша уақыт болатыныңызды білетініне көз жеткізіңіз. Өзіңізге және жақындарыңызға қамқорлық жасаңыз", - деп қорытындылады полицейлер.